Æмæ кæд хистæркъласонты фæстаг дзæнгæрæджы фæстæ ноджы фылдæр кусын хъæудзæн, уæд иннæ скъоладзаутæ та 3 мæйы кæндзысты улæфгæ. Уæдмæ уал Паддзахадон автоинспекцийы кусджытæ аразынц профилактикон мадзæлттæ. Республикæйы æппæт ахуыргæнæндæтты скъоладзаутимæ ныхас кæнынц æдасдзинады домæнтæ куыд æххæст кæнын хъæуы, ууыл.
Инспектортæ куыд радзырдтой, афтæмæй уæгъд рæстæг, æнæмæнг хъæуы фæндаггон æдасдзинады уагæвæрдтæ æххæст кæнын. Скъоладзаутæн равдыстой фæндаджы сæрты раст æмæ æнæ фыдбылызæй куыд хизын хъæуы, уый. Талынджы дæр хи куыд дарын хъæуы, уый тыххæй загътой. Стæй велосипедыл цæугæйæ, цы домæнтæ ис, уыдоны тыххæй дæр зæрдыл æрлæууын кодтой. Уæлдай æргом Паддзахадон Автоинспекцийы куысджтæ аздæхтой хистæркъласонтæм æмæ скъолаты рауагъдонтæм. Бæлвырддæрæй сын радзырдтой фæндаггон фыдбылызсты фæстиуджыты тыххæй. Стæй кæй æмæ цæй аххосæй æрцæуынц, уый. Иннæ ахсджиаг фарста – фистæгæй цæуыны уагæвæрдтæ. Инспектортæ сывæллæттæн бацамыдтой раст куыд хъæуы фæндагыл цæуын, уый. Радзырдтой ма рог хæдтулгæтыл бадынмæ хъæугæ æвдисæндар æмæ сæрмагонд ахуырад кæй хъæуы райсын, уый дæр.