Дзæуджыхъæуы кæронмæ æрхæццæ фæндæгтæ цалцæггæнæн рæстæг. Ацы уавæр фæхуыздæ кæнын бантыст горæты 30 уынджы. Се `хсæн Гæдиайы номыл уынг, Грибоедовы, Тельманы, Фрунзейы, Горькийы, Гончаровы номыл уынгты, æмæ ма æндæрты. Цалцæггæнджытæ уæлдай æргом аздæхтой горæтмæ бацæуæнтæм. Бындуронæй рацарæзтой Архонкæйæ, Черменыхъæуæй, Карца æмæ Джызæлæй æрбацæуæн фæндæгтæм. Куыстыты хæрзхъæддзинад уыд сæйраг домæн, – фæнысан кодтой Дзæуджыхъæуы администрацийы пресс-службæйы. Сæйраг объекттæй иу – Къостайы проспект. Баивтой дзы трамвайы фæндæгты рельсытæ. Ахæм куыстытæ конд уыдзысты иннæ аз дæр.