Æппæтуæрæсеон адæмон фронты регионалон штабы уæнгтæ проект «Карта убитых дорог»-ы фæлгæты сбæрæг кодтой Дзæуджыхъæуы уынгтæ. Се ргом аздæхтой, цæрджытæ цы пырх фæндæгтæй хъаст кæнынц, уыдонмæ. Кæцыдæр рæтты домæнтæн дзуапп нæ дæттынц къахвæндæгтæ дæр.
Ногирскийы уынджы цæрджытæ къуыппытæ-дзыхъхъытæ фæндæгтыл цæуынæй бафæлладысты.
Тургеневы уынджы хъæугæ нысæнттæ æвæрд нæй. Горæты астæу цæрджыты риссагдæр фарстатæй иу у къахвæндаг. Сывæллоны коляскæимæ дзы зынтæй ацæудзынæ. Фистæгæйцæуджыты къахвæндæгтæ æдзухдæр домæнтæн дзуапп нæ дæттынц.
Æппæтуæрæсеон адæмон фронты уæнгтæ сарæзтой рейд. Пырх фæндæгты картæйы ныридæгæн фæнысан кодтой дæсгай километры.