preloader
сейчас в эфире
17:34
ЖЕСТОКИЙ СТАМБУЛ 12+
Смотрите Далее
17:45
ХЪУСЫНГÆНИНÆГТÆ 12+
17:50
КОММУНАЛКА 12+
18:10
ТАКТИКА 12+
19:00
ХАБÆРТТÆ 12+
19:30
САМОЕ ВРЕМЯ 12+
ТВ ПРОГРАММА
ЖЕСТОКИЙ СТАМБУЛ 12+
close

Æрдзыл аудгæйæ

21.02.2019 22:45

Хъæбæр хауæццæгтæ куыд æмбæлы, афтæ бафснайын у абоны ахсджиагдæр фарстатæй иу.

Хъæбæр хауæццæгтæ куыд æмбæлы, афтæ бафснайын у абоны ахсджиагдæр фарстатæй иу. Адæймаг азæй-азмæ бырон фылдæр кæй кæны, уый стыр зиан хæссы æрдзæн. Тæккæ тынгдæр знаггад ракæнынц батарейкæтæ. Бæстон æфснайын сæ Уæрæсейы хæрз æрæджы райдыдтой. Фæлæ æрмæстдæр иу ран – Челябинскы. Батарейкæтæ æмбырдгæнæн контейнертæ фенæн ис Дзæуджыхъæуы иуæй-иу дуканиты. Ныр ма сыл бафтыд Алагиры дæр. Нæ уацхæссæг æй федта.


Æрвылбоны зианхæссæг хауæццæгтæ раст бафснайыныл, хъуыды дæр уыйас ничи кæны. Хæрз дзæгъæлы. Зæгъæм, иу æнгуылдзы стæвдæн батарейкæ уæззау згъæрæй чъизи кæны 20 квадратон метры зæххы фæзуатæй. кæнæ та 400 литры дон. Цардæн тæссаг буаргъæдæн сæ бон у адæймаджы кæнæ цæрæгойы буары бахизын. Ацы фарста аиуварс кæнынылархайынц Цæгат Ирыстоны. Батарейкæтæ æмбырдгæнæн урнæ сæвæрдтой ныр Алагиры дæр. Бынæттон цæрджытæн ацы хъуыды сæ зæрдæмæ фæцыдис.

Фыццаг бырондон районы сæвæрдтой Алагиры стырдæр дуканитæй иуы. Проект аразджытæ куыд зæгъынц, афтæмæй ахæм контейнертæ самал кæнын раджы хъуыдис. Иу батарейкæйы уæз у 23 граммы. Иу урнæйы сæ нывæрæн ис 100 килограммы бæрц, кæнæ та 45 мин батарейкæйы. Контейнертæ куы байдзаг уой, уæд сæ арвитдзысты Челябинскмæ хауæццæгтæ бакусыны заводмæ. Ис сæ дыккаг хатт спайда кæнæн. Нæ республикæйы урнæтæ сæвæрыны хъæппæрис фæзынд конкурс «Лидеры России»-ы æрдæгфиналист Цæгæраты Русланмæ. Уый у йæхи сæрмагонд проект. Сыхаг регионты дæр йемæ разы сты. Контейнертæ æвæрын райдыдтой ивгъуыд азы кæрон.

Дзæуджыхъæуы сæвæрдтой 5 урнæйы. Алагиры уал нырма иу. Нæ республикæйы иннæ районты дæр ма сыл бафтдзæн 7. Афтæмæй батарейкæтæ иууылдæр сæрмагонд контейнертæм куы æппариккой, уæд уый пайда уаид Цæгат Ирыстоны экологийæн.

Уазиты Зæлинæ

Читайте также
Все новости