Зæххы бын коммуникацитæ конд, уæдæ фæндаг бамбæрзынмæ дæр бирæ рæстæг нал баззад. Гæдиаты Цомахъы уынджы цы фæндаг цалцæг кæнынц, уый дыууæ къуырийы `мгъуыдмæ хъуамæ сцæттæ уа.
Доваторы уынгæй Гастеллойы уынджы онг фæндаджы хайæн йæ уæлцъар ивынц. Цалцæггæнæн куыстытæ райдыдтой апрелы. Дзæуджыхъæуы фæндæгты фонды куыд зæгъынц, афтæмæй зæххы бын коммуникацитæ уыдысты æмбыд æмæ сæ ивын бахъуыд. Уый аххосæй куыстытæ ныддæргъвæтин сты. Цæмæй ног фæндаг фидардæр уа, уый тыххæй уал æй раздæр хуырæй бамбæрзтой. Хæстæгдæр рæстæг та йыл асфальт сæвæрдзысты.
Специалистты хъуыдымæ гæсгæ, ахæм хуызы конд фæндагæй фылдæр рæстæг пайдагæнæн уыдзæн.