«Рагон æрмдæсныйæдты историйы тыххæй» семинар сарæзтой абон Дзæуджыхъæуы Национ музейы. Æмбырдмæ æрбацыдысты æрмдæсныйады курдиатджындæр минæвæрттæ. Семинар амыдта Цæгат Ирыстоны Паддзахадон Университеты, историйы кафедрæйы ахуыргæнæг Назим Гиджрати. Æрбацæуджытæн радзырдта æрмдæсныйады сусæгдзинæдты æмæ хуыздæр цавæр æрмæджытимæ архайын хъæуы, уыдоны тыххæй. Уымæй уæлдай ма сын интерактивон къулыл равдыстой раг`заманты нывгæнынады лæгæтты нывтæ æмæ фыццаг æвдисæнтæ. Раздæр адæм куыд ныв кодтой, уыцы сусæгдзинæдты тыххæй аныхас кодтой. Ахуырадон семинар уыд 2-æм хатт Проект «Традицион культурæйы азбукæ»-йы фæлгæты. Æдæппæтæй та уыдзысты 4 проекты. Сæ сæйраг нысан у Ирыстоны рагон æрмдæсныйады хуызтæ апарахат кæнын. Мадзалы амидингæнджытæ сты республикæйы промышленносты æмæ транспорты министрад, стæй республикæйы адæмон æрмдæсныйады къорды минæвæрттæ. Сæ ныхæстæм гæсгæ ахæм ахуырадон семинартæ хъæугæ сты æмæ сæ фæнд кæнынц алы мæй дæр аразын.
Ахæм ахуырадон семинартæ скæнæм алыхуызон темæтыл. Абон йæ зонындзинæдтæ сывæллæттæн нæ бавгъау кодта археолог Гиджрати Назим. Сабитæ йæм тынг цымыдисагæй хъуыстой, сæ зæрдæмæ фæцыд. Мадзалмæ æрбацæуджытæн фадат уыд сæ фæрстытæн дзуапп райсын.Кæй зæгъын æй хъæуыацы ахуыртæ пайда сты. Арæх дæр аразын сæ хъæуы , цæмæй нæ рæзгæ фæлтæрæй рох ма уой нæ фыдæлтæ нын цы æрмдæсныйадтæ æмæ цы хæзнатæ ныууагътой, уыдон.