Джызæлы фæсивæд бацархайдтой зиуы

Цæгат Ирыстон æрвылаз æппæтуæрæсеон экологон акциты кæй бацархайы, уый дызæрдыккаг нау. Адæм фыдæбон кæнынц сæ алфамблай фæрайдзастдæркæныныл. Фесгуыхтысты Джызæлы фæсивæд. Æрдз бахъахъхъæныны хъуыддагмæ куыд фæндыйы цæстæй нæ кæсыц. Сарæзтой зиу. Сæ хъæу бафснайынмæ бæстонæй бавнæлдтой. Ныридæгæн уал ныссыгъдæг кодтой футболæй хъазынæн фæз. Базылдысты бынæттон уæлмæрдтæм. Акалдтой дзы зæронд бæлæстæ. Цалдæр боны æмгъуыдмæ лæппутæ 20 “камазы” бæрц брон раластой. Фæсивæды къорды хистæр куыд зæгъы, афтæмæй сæ хæс у, алыварс æрдз хъахъхъæнын кæй хъæуы, уый равдисын. Фæнды сæ цæмæй сæ хъæу уа сыгъдæг æмæ аив. Афтæ уыд алкæддæр. Бафтаудзыстæм ма уый æмæ сæрæнгуырдтæ æххуыс никæмæй бацагуырдтой. Æппæт куыстытæ дæр бакодтой сæхи хъаруйæ. Æппæт кусæнгæрзтæ дæр самал кодтой хи фæрæзтæй. Уымæй уæлдай ма сæрмагонд техникæ дæр нæ баххуырстой.