Дзæуджыхъæуы абон сарæзтой равдыст-æркаст. Йæ ном – «Национальная кукла», зæгъгæ. Ахæм мадзал Цæгат Ирыстоны фыццаг хат сарæзтой. Æркасты равдыстой куклатæ Уæрæсейы, Кавказы, Казахстаны, Японийы æмæ æндæр адæмы хæттыты уæлæдарæсты. Алкæцы дæр дзы уыди раппæлыны аккаг. Æдæппæтæй равдысты фенæн уыд 80 дæсныйы куыстытæ. Конкурсы домæнтæм гæсгæ, хъазæнæн йæ дæргъ хъуамæ 10 сантиметрæй къаддæр ма уыдаид.
Куыстытæн аргъ скæндзысты жюрийы уæнгтæ. Абон уал сын сæ хуыздæртæ равзæрстой. Ныр сын хъуамæ сæвæрой 1-æй – 10 балы онг бæрæггæннæтæ. Хуыздæрты сбæрæг кæндзысты 30 апрелы. Мадзал аразджытæ куыд зæгъынц, афтæмæй ахæм конкурстæ сты хъæугæ æмæ ахсджиаг.
