Октябрскæйы хъæуы музыкалон скъолайы азæлдысты нæ республикæйы курдиатджын фæсивæды рæсугъд хъæлæстæ. Сарæзтой дзы зарæггæнджыты къордты фестиваль. Архайыны бар дзы уыд нæ республикæйы районты музыкалон скъолатæн. Музыкалон фестиваль сарæзтой йæ цард сывæллæттæн чи снывонд кодта æмæ семæ кусын чи уарзта, уыцы ахуыргæнæджы номыл. Хъайтмазты Зойæ бирæ азты фæкуыста Октябырскийы музыкалон скъолайы директорæй. Аивады рæзты стыр æвæрæн бахаста. Абон ын ахæм аккаг кæй скодтой, уый фетивальы архайджытæ сæ хæсыл банымадтой. Нæ уацхæсджытæ дæр уыдысты уым æмæ бацæттæ кодтой мæнæ ацы æрмæг.
Ахæм рæсугъд зарджытæ абон азæлдысты Октябрскæйы музыкалон скъолайы. Сæ курдиат равдисынмæ ам æрымбырд сты нæ республикæйы алы районты курдиатджын фæсивæд. Се хсæн Джызæлы минæвæрттæ дæр.
Зарæггæнæн къордтæ акодтой алыхуызон аив æмæ зынгонд зарджытæ. Мадзалмæ æрбацыдысты Октябрскæйы цæрджытæ æмæ аивад чи уарзы уыдон. Се хсæн Хъайтмазты Зойæйы фырт Артур дæр. Уымæн æхсызгон у йæ ныййарæджы ном рох кæй нæ у, уый.
Мадзалы кæрон зарæггæнджыты къордтæ акодтой Хъайтмазты Зойæйы уарзондæр зарæг «Спасибо за счастье», зæгъгæ. Фестиваль аразджыты ныхæстæм гæсгæ ацы мадзал саразын раджы фæнд кодтой æмæ нырма абон бафтыд сæ къухы.
Фестивалы азаæлдысты ахæм зарджытæ куыд «Лунная река», «Песенка о хорошем настроении», «Песня моя Иристон» æмæ æндæртæ. Республикæйы курдиатджын фæсивæды схорзæхджын кодтой кады гæххæтытæй. Архайджытæ цымыдисаг фестивалæй разыйæ баззыдысты. Фидæны фæнд кæнынц сæхиуыл хуыздæр кусын.
