Ма уæ ферох уæд

9-æм кълæсты ахуыргæнинæгтæ паддзахадон иумæйаг фæлварæнтæ радтынмæ курдиат хъуамæ бадæттой 1-æм мартъийы онг. Уый тыххæй хъусын кæны Уæрæсейы ахуырадмæ цæстдарды службæ. Фæлварæны бацархайынмæ алы ахуырдзау дæр хъуамæ ныфысса курдиат йæхи скъолайы æмæ дзы фæбæрæг кæна, цавæр предметтæ дæтдзæнис, уый. Аттестат райсынмæ 9-æмкъласонтæ дæттынц дыууæ æнæмæнг фæлварæны – уырыссаг æвзаг æмæ математикæ, дыууæ та сæхæдæг хъуамæ равзарой. Хæдбарæй равзарæн ис литературæ, физикæ, хими, биологи, географи, истори, æхсæнад зонынад, информатикæ æмæ фæсарæйнаг æвзæгтæ. Номхыгъд ууыл нæ фæцис. Скъолайы йæ мадæлон æвзаг чи ахуыр кодта, уыдонæн ис бар уыцы предмет равзарынæн дæр. Дыууæ предметæй фылдæр равзарæн нæй. Фæбæрæг ма кæндзыстæм уый, æмæ скъоладзауты се `взæрст предметтæм гæсгæ исдзысты дæсæм профилон кълæстæм.