Социалон проект «Медиасфера»-йы дыккаг хай æххæст кæнын райдыдтой. Дыууæ къуырийы специалисттæ араздзысты лекцитæ. Раздæр уал проект «Медиасфера» рамбылдта грант форум «Машук»-ы.
Йæ сæйраг нысан у медиа-бархионты нымæц фæфылдæр кæнын, стæй ма æнæкоммерцион куыстуæтты æмбæлгæ зонындзинæдтæ фæуæлдæр кæнын. Бархионты ахуыр кæнынц иформацион тексттæ æмæ пресс-релизтæ фыссыныл, социалон хызæгты сæ парахат кæнын, стæй ма дзыллон хабархæссæг фæрæзтимæ кусыныл. Лекцитæм куы байхъусой, уæд сæ бон уыдзæн медиакъабазы кусын.
Проекты разамонæг, Козаты Дианæйы ныхæстæм гæсгæ, ахæм ахуырадон мадзæлттæ нæ республикæйы сты хъæугæ æмæ ахсджиаг. Бирæтæ йæ нæ зонынц, социалон хызæгты хи сыфтыл, куыд æмбæлы, афтæ кусын.
