Дзæуджыхъæуы мыхуыры рацыд чиныг “Живая память сердец”, зæгъгæ. Фыст у, Цæгат æмæ Хуссар Ирыстоны интернационалисттыл, Афганистаны хæсты чи тох кодта æмæ нæ республикæйы кæй баныгæдтой, уыдоны тыххæй.
Йæ автортæ сты газет ” Чемпион-Ир”-ы сæйраг уацхæссæг Гаглойты Дзерассæ æмæ республикæйы ахуырад æмæ наукæйы министрады сæйраг специалист Хайманты Барис. Чиныг ныффыстой 3 мæймæ. Йæ рацыд ын бабастой Советон Цæдис йе `фсæдтæ Афганистанæй кæй ракодта, уый 30 азы бонмæ. Чиныджы презентаци уыдис Национ наукон библиотекæйы. Уазджыты `хсæн – Афганистаны хæсты ветерантæ, сæ бинонтæ æмæ парти “Иумæйаг Уæрæсе”-йы уæнгтæ. Хæсты чи фæмард, уыдоны бинонтæн саккаг кодтой арфæйы фыстæджытæ. Æдæппæтæй мыхуыры рацыд 100 чиныджы.
Иу хай дзы балæвар кæндзысты республикæйы скъолатæ æмæ, Афганистаны хæсты чи фæмард, уыдоны бинонтæн. Автортæ куыд зæгъынц, афтæмæй ма мартъийы нысан кæнынц 600 чиныджы мыхуыры ноджыдæр рауадзын.
