Хатдзæгтæ дæр ын скодтой. Нæ республикæйæн рауад æнтыстджын. Цæгат Ирыстоны æнæниздзинад хъахъхъæныны министр Годжыцаты Тамерлан форумы хатдзæгтæй разыйæ баззад. Радзырдта нын, медицинон къабазы цавæр бадзырдтæ бафыста нæ республикæ, æмæ цæмæн æххуыс уыдзысты, уый тыххæй.
Сочийы форумы фæлгæты бафыстам бадзырдтæ компанитæ “джи эл эй илектрикс” æмæ “филипс”-имæ. Хъуамæ уыдон нæ республикæйы сифтонг кæной ног медицинон кусæнгæрзтæй – уæззау техникæйæ. Уыцы куыст кæндзыстæм 2024-æм азмæ. Уымæй уæлдай ма ахсджиаг у уыцы техникæмæ кæсын æмæ йæ цалцæг кæнын дæр. Бадзырдты руаджы нæ бон уыдзæн, цы техникæ асæтта, уымæ рæвдз базилын. Иннæ проект та баст у æвæстиат æмæ тагъд медицинон æххуысимæ. Ацы бадзырдмæ гæсгæ уал фыццаджыдæр сараздзыстæм аудит. Банымайдзыстæм, тагъд æххуысы хæдтулгæтæ, кусджытæ, шофырты нымæц, сæ мызд цас у, уый. Фæстæдæр та уыцы аудит нæ республикæйы скæндзæн æрбацæугæ адæмы къорд. Хатдзæгтæм гæсгæ бакусдзыстæм, тагъд æмæ æвæстиат медицинон æххуысы лæггæдтæ фæхуыздæр кæныныл.”