Ирон футболист Цхуырбаты Валерийы кой абон æнæхъæн дунейыл айхъуст. Диссагæн дзуринаг фæцы.
Хъазыди Уæрæсейы чемпионаты 32-туры Тюмены командæйы ныхмæ. Йæхæдæг Ярославльы футболон клуб «Шинник»-æй, афтæмæй. Хъазты пæстæг æй гол афтæ тынг фæндиди бакъуырын æмæ цы пурти бацавта, уый уæлæрвтæм стахт. Мæнæ уæртты скуысси уа, зæгъгæ, афтæ йæ размæ ныхмæлæууæг фæци. Æмæ чи? Йæхицæн чи тахти, ахæм маргъ. Уыцы иу тъæп ыл ныккодта æмæ дыууæ дæр зæххмæ æрхадысты. Маргъ цы баци, уый нал сбæлвырд, фæлæ Цхурбаты Валерий канд футболуарзджытæ нæ, фæлæ ма ацы хабар чи фехъуста, уыдоны цæсты уæлдай кадджын фæци. Уæвгæ æнæуи дæр дæсны футболистыл нымад у. Уый размæйы хъазты дæр ныхмæлæууæг командæйæн гол уый бакъуырдта, æмæ йæ командæйæн архæста ахсджиаг уæлахиз.
Ныридæгæн Шинник турнирон хыгъды ахсы 7 бынат, æмæ йæ бон у, æмæ премьер-лигæмæ рацæуа. Цы кадртæ уынут, уыдон та нырма бирæ рæстæг социалон хызты хорз бæрæггæнæнтæ æмбырд кæндзысты.