Цæгат Ирыстоны 14 скъолайæ 20 ахуыргæнæджы архайынц конкурс «Сердце отдаю детям»-ы. Уæлæмхасæн ахуырады кусджыты хсæн æй сарæзтой 16-æм хатт республикæйы ахуырад æмæ наукæйы министрады хъæппæрисæй. Æркасты ис 6 номинацийы: техникон, аивадон, наукон, социалон-педагогон, спортивон æмæ туристон.
Алы архайæг хъуамæ ацæуа цыппар къæпхæны. Сæ фылдæр сты аивадон æмæ наукон номинациты. Конкурс цæудзæн 20 мартъимæ. Уæлахиздзаутæ дарддæр архайдзысты æппæуæрæсеон къæпхæны.
«Ацы конкурс мæнæн тынг ахсджиаг у. Уымæн æмæ ныртæккæ ахуырады къабазы бирæ ногдзинæдтæ фæзынд. Бузныг дæн, фадат мын кæй ис ам хи равдисынæн. Уымæй уæлдай ма ме `мкусджытæ куыд архайынц, уый дæр уынын», – Дзæуджыхъæуы сывæллæтты сфæлдыстады скъолайы ахуыргæнæг Солтанты Маргаритæ.