Фыййагдоны «Арт-Отель»-ы æрымбырд сты регионалон министртæ, сæ хæдивджытæ, вице губернатортææмæ хицауады уæнгтæ. Сæ фембæлды сæйраг нысан – нæ бæстæйы 2021 азмæ, нымæцон райрæзты федералон программæйы райрæзт. Æрдзурдзысты ацы къабазы ахсджиаг фарстатыл. Нымæцон райрæзты программæтæн радих кодтой 72 миллиард сомы. Уæрæсейы нымæцон райрæзт,бастдзинад æмæ дзыллон коммуникациты министры хæдивæг Олег Иванов куыд бафиппайдта, афтæмæй сæйраг фарста у социалон нысаниуæг кæмæн ис уыцы объекттæ сивтонг кæнын хъæрзхъæд интернеты бастдзинадæй. Уыцы куыст куыд æххæстгонд уыдзæн уый равдыстой сæрмагонд стендыл. Уымæй уæлдай ма йæ хъуыдытæ загъта Уæрæсейы нымæцон райрæзт, бастдзинад æмæ дзыллон коммуникациты министрады пресс-секретарь Евгений Новиков.
Евгений Новиков, Уæрæсейы нымæцон райрæзт, бастдзинад æмæ дзыллон коммуникациты министрады пресс-секретарь: «3 мæйы æмгъуыдмæ регионалон минæвæрттимæ фембæлдыстæм цалдæр хатты. Æмбырды бацархайынц профилон министрад æмæ хицауады уæнгтæ, Ныридæгæн ай æртыккаг фембæлд у. Ивгъуыд аз æмбырд уыд Дæллаг Новгороды. Дыккаг сарæзтам Перьмы. Ныр æртыккаг хатт апрелы æмбæлæм ацы уазæгуарзон зæххыл. Ардæм ссыдысты 240 минæвары нæ бæстæйы 81регионæй. Министртæ, сæ хæдивджытæ æмæ хицауады уæнгтæ. Уыдон æрдзурдзысты 6 федералон проектыл».
