Метеорологон службæ

Алы адæймагæн дæр ис уарзон боны хъæд. Чи асæст бон уарзы, чи къæвда. Чидæртæ та, раст мæ хуызæттæ, уарзынц хур æмæ хъарм уымæй хуыздæр мæм ницы кæсы æмæ кæддæриддæр бæллын сæрды æрцыдмæ. Фæлæ æрдз афтæ у æмæ афæдзы афонтæ ивынц кæрæдзийы. Æмæ кæд фæстаг рæстæг æрдз йæ хивæн митæ равдисы, уæддæр дзы алцыдæр цæуы фæткмæ гæсгæ. Бон ивы æхсæв, зымæг раивы уалдзæгæй. Уый фæстæ та ралæууы мæ уарзон ссæрд. Фæлæ мæ хъуыдытæ кæдæмдæр ацыдтæн. Абон уæ нæ программæйы базонгæ кæндзыстæм уæлдæф, уымæлад æмæ атмосферæйы æлхъывдад сæ сусæг ныхас кæмæн раргом кæнынц, уыцы адæмимæ. Метеорологон службæйы кусджытæ йеддæмæ ници æмбары сæ æгомыг æвзаг. Æмæ дзы кæд исты махæн дæр раргом кæниккой. Цæй æмæ сæм бакæсæм.