«Æфсæйнаг» кæй хуыдтой, ахæм адмирал, кæнæ Денджызон дæлимон. Ахæм ном æнусты æмæ историйы баззад фыццаг ирон контр-адмирал Цæллагты Пантелейыл. Ацы аз ыл сæххæст уыдаид 100 азы. Хъыгагæн, фараст азы размæ йæ цардæй ахицæн. Фæлæ йæ Фыдыбæстæйæн цы лæггад бакодта, уый йе `мгæрттæй, хиуæттæй æмæ йе `фсæддон æрдхæрдтæй рох нæу.
Цæллагты Пантелей схъомыл Мæздæджы. Уыд æцæг патриот æмæ, Ирыстоны кад бæрзонд хæсгæйæ, йæ Фыдыбæстæйæн лæггад кодта. Фыццаг – Советон Цæдисæн, уый фæстæ та – Уæрæсейæн. Чи йæ зыдта, уыдоны мысинæгтæм гæсгæ уыд алцæмæ дæсны æмæ тынг арæхстджын адæймаг.