Андиаты Тимур

Ацы къуыри Федералон зонадон журнал «Хохаг» расидт хæххон республикæты хуыздæр минæвар сбæрæг кæныны конкурс. «Сгуыхт хохаджы» ном райсыны ерысы 14 номинациты архайдтой не мзæххонтæ Хъантемыраты Алыбег, Гергиты Валерий, Тæтæонты Алыксандр æмæ ма ноджы цалдæр адæймаджы. Æдæппæтæй та хуыздæр хохаджы ном райсыныл ерыс кæнынц 70 адæймаджы. Алы категорийы дæр уыд фæйнæ 5 кандидаты. Æхсызгон у номинантты хсæн не ‘рыгон мзæххонтæ кæй уыдысты, уый дæр. Уæвгæ, ацы конкурсмæ алкæй бауаддзысты. Уый та ууыл дзурæг у æмæ журнал ерыстæм кæй бахаста, уыцы æрыгæттæ сты хуыздæрты-хуыздæртæ. Раст зæгъæйæ, нæ абоны уазæгмæ кæсгæйæ, уый дызæрдыггаг нæу. Табуафси, базонгæ ут, абон не студимæ æрбахуыдтам æрыгон, фæлæ курдиатджын нывгæнæг Андиаты Тимуры.