Дугъ размæ згъоры, рæстæг ивдзинæдтæ хæссы, ивы адæмы зондахаст дæр. Раздæр иу дызæрдыггаг цы нæ уыд, уый ныры рæстæг кæнæ хъæугæ хъуыддагыл нæ нымайынц, кæнæ та йæ ныхмæ цæхгæр ныллæуынц. Зæгъæм, ног чындз æмæ æфсин иумæ куыд цæрой, уый.
Сусæггаг нæу, ныры чындзытæй арæх фехъусæн вæййы – мæн æфсинимæ цæрын нæ фæнды, зæгъгæ. Дыууæ сылгоймаджы иумæ цæуыннæ бафидауынц? Иу хæдзары сын къуындæг уавæртæ ис? Алкæй сæ хæдзары æфсин уæвын фæнды? Кæстæр хистæры зондхъуаг нæ вæййы? Цымыдисаг уæм кæсы? Мæнмæ дæр. Уымæ гæсгæ нæ радон программæйы темæ у — мæн æфсинимæ цæрын нæ фæнды. Цæуыннæ?
