Сæлбиты Дианæ æмæ Елойты Дианæ. Журнал «Ногдзау»

Зынаргъ æмбæлттæ! Журнал «Ногдзау» чи нæ зоны, ахæм адæймаг нæ республикæйы, æвæццæгæн, нæ разындзæн. Стæй канд нæ республикæйы нæ, фæлæ ма æгас бæстæйы ирон æвзагыл чи `фтауы йæ сывæллæтты, уыдоны `хсæн дæр. Уæдæ Хуссар Иры дæр кадджын у. Ацы аз, мартъийы мæйы журналы сæргъы `рлæууыд ног сæйраг редактор Томайты Сергей. Сывæллæттæн мыхуыримæ фыццаг хатт нæ кусы. Раздæр уыдис журнал «Барсичы» сæйраг редактор. Æмæ йын йæ фæлтæрддзинадæй мачи спайда кæна, уымæн уæвæн нæ уыд. Томайы-фырт бындуронæй рацарæзта журнал. Кусынмæ `рбахуыдта ног адæймæгты дæр, цардмæ абоны цæстæй чи кæсы, ахæмты. А-изæр йæхицæн фадат нæ фæцис махмæ саккаг кæнынæн, фæлæ нæм йæ минæвар æрбамбæлд. Табуафси, уæдæ, нæ студийы уазæг у журнал «Ногдзау»-ы сæйраг редакторы хæдивæг Сæлбиты Дианæ.