Цæгат Ирыстоны пенсион фондмæ ма бадæттæн ис курдиæттæ 3 азы онг кæуыл цæуы, уыцы сывæллæттæн æрвылмæйы фиддонты фæдыл. Уыимæ ма, 3 азæй 16 азы онг сывæллæттæн уыцы иу хатт фиддонты тыххæй дæр.
Уæ зæрдыл уын æрлæууын кæндзыстæм, курдиат бадæттæн ис 1 октябры онг. Фæлæ, пенсион фонды сидынц, цæмæй-иу сæ адæм рагацау æххæст кæной. Уымæн æмæ, гæнæн ис, æмæ гæххæтыты рæдыд разына, кæнæ курдиатыл куы не сразы уой, уæд бинонтæн фадат уа ногæй гæххæтытытæ бадæттын. Арæхдæр рæдыд вæййы банчы хыгъды бæрæггæнæнты. Раст фыст куы не ‘рцæуой, уæд æхцайы фæрæзтæ райсын бинонты бон не суыдзæн.
Кредитон уагдæттæ сæ раздахынц пенсион фондмæ. Фонды специалисттæ ногæй сбæлвырд кæнынц бæрæггæнæнтæ æмæ сæ бахæссынц сæрмагонд комплексмæ. Бинонты курдиатыл цæуылнæ сразы сты, уый аххосæгтæ базонæн ис ведомствæйы сæрмагонд сайты.
