3 цæгатирыстойнаг куыстуаты сæ продукци уæй кæндзысты Араббаг Эмиратты. Ахæм куыст бантыст национ проект «Международная кооперация и экспорт»-ы фæлгæты. Компанитæ «Токар», «Дезомед» æмæ «Кар-Агро» фæхæццæ кодтой фæлварæн партитæ бынатмæ.
Цементмæ Д-5 æфтауынц, цæмæй раствор рауайа хæрзхъæддæр. Арæхдæр дзы пайда кæнынц арæзтадон куыстыты рæстæг. Уыимæ ма доны былтæ фидаргæнгæйæ. Компани «Токар»-ы архайынц сæ продукцийы хæрзхъæддзинад фæуæлдæр кæныныл. Ныр та ма сын дзы пайда кæнын райдайдзысты Дубайы.
Ацы продукцимæ се ‘ргом аздæхтой Араббаг Эмиратты бæстæйы арæзтадон компанитæ. 4-æй дзы продукт бафæлвæрдтой сæ куысты æмæ разыйæ баззадысты. Ныр æнхъæлмæ кæсынц цæгатирыстойнаг компанийы дзуаппмæ.
Ацы хъуыдаджы стыр куыст бакодта Цæгат Ирыстоны амалхъомадæн æххуысы фонды экспорты центр. Араббаг бæстæтæм арвыстой 3 куыстуаты: «КарАгро», «Дезомед» æмæ «Токар».
Цæгат Ирыстоны продукцийы экспорт бантыст национ проект «Международная кооперация и экспорт»-ы фæлгæты. Кусын ыл райдыдтой ивгъуыд азы, декабры. Куыст ныртæккæ дарддæр цæуы.
Пелиты Сæбинæ