Дзæуджыхъæуы сæйраг базары терактæй рацыд 11 азы. Срæмыгъды аххосæй фæмард 18 адæймаджы. Æдæппæтæй хъыгдæрд баййæфтой 202 адæймаджы. 11 сахатыл базары бахизæны раз баурæдта «Волгæ» хæдтулгæ. Бадтис дзы, йæхи рæмудзынвæнд чи скодта, ахæм шофыр. Цалдæр секунды фæстæ ныггуыпп кодта. Рæмудзæн æрмæджы тых уыд тратилон эквивалентмӕ гӕсгӕ 40 кг.
2014 азы тæрхондон фыдракæнджытæй сæ иу Иса Хашагульовæн рахаста цæрæнбонты ахæстоны арвитыны тæрхон. Йæ амидингæнджытæн рахастой 14 азæй 25 азмæ ахæстоны фæбадыны тæрхон.
Теракты амæттæгты нымæц зынгæ фылдæр уыдаид, базары хъахъхъæнджытæ ахæм бæстон цæстдард куы нæ ‘рдардтаиккой, уæд. Дзагкойты Валерий æмæ Плиты Аслан уæд террористы нæ бауагътой базармæ.
