Дзæуджыхъæуы скъолаты сабитæн хъарм хæринаг дæттыны хъуыддаг ис хъæугæ æмвæзадыл. Уый сбæлвырд кодтой Адæмон фронты уæнгтæ. Сарæзтой радон рейд. Æркастытсты, хойрæгтæ кæм æвæрд сты, уыцы бынæттæм, стæй хæрæндæттæ куыд ифтонггонд сты, уымæ. Сæйрагдæр та — сбæрæг кодтой хæринæгты хæрзхъæддзинад. Цы федтой, уымæй разыйæ баззадысты, фæлæ бакусын кæуыл хъæуы, ахæм фарстатæ дæр разынд.
Дзæуджыхъæуы 25-æм скъолайы райсомы хæрды фынгыл — запеканкæ, цай æмæ чылауитæ. Æртæ переменæмæ аходæн хъуамæ скæной райдиан къласы ахуырдзуатæ. Æдæппæтæй 300 сывæллоны. 150 та ма бирæсывæллонджын бинонтæй æмæ цудыд æнæниздзинадимæ сабитæ. Лæвар хæринаджы ифтонгæн дзуапп дæтты Дзæуджыхъæуы хойраджы комбинат. Хæринаг ардæм фæхæццæ кæнынц райсомы авд сахатыл. Хæринаггæнджыты ма æрмæст фæхъæуы хæрианг схъарм кæнын.
Скъолайы хæрæндæтты уавæр сбæрæг кодтой Адæмон фронты уæнгтæ. Федтой хойрæгты хæрзхъæддзинад, уыимæ ма санитарон домæнтæ куыд æххæстгонд цæуынц, уый. Сæ цæст ма ахастой хæрæндоны кусæнгæрзтыл. Сæйрагдæр у продукттæ цас рæстæг æмæ куыд дарынц, уый.
Ай та республикон физико-математикон лицей-интернаты тæвд сихор. Хуыппаг, гарнир, цыминаг æмæ дыргътæ. Ахуыргæнæндоны хойраг самал кæнынц æмæ хæрианг сцæттæ кæнынц сæхæдæг. Сæ куыст фæрогдæр республикæйы ахуырад æмæ наукæйы министрад сæ ног кусæнгæрзтæй куы сифтонг кодта, уæд. Хæрæндоны ис 150 бынаты
Дзæуджыхъæуы 4-æм гимназы хæрæндон йæ хуыз скалдта бындурон цалцæджы фæстæ. Аивгæнæн куыстытæй уæлдай ма бæстыхай фæуæрæхдæр кодтой. Ныр дзы бынат алцæмæн дæр фаг ис. Ифтонггонд ма у нырыккон кусæнгæрзтæй. Ног хыссæзмæнтæнты руаджы цæттæ кæнынц буфæтты продукци. Сæхæдæг фыцынц гуылтæ, адджын дæттæ. Сабитæ сæ уавæртæй разы сты.
Ахуыргæнæндоны разамонæг куыд радзырдта, афтæмæй сæм кæд æмбæлгæ уавæртæ ис, уæддæр цух ййафынц хæринаггæнджытæй. Ахæм уавæр ис скъолайы æртæ хæрæндоны дæр.
Скъолаты тæвд хæринаджы ифтонгæй Цæгат Ирыстон ис бæстæйы раззагдæр регионтимæ. Уавæр æппынæдзух иртасдзысынц Адæмон фронты уæнгтæ. Лæвар аходæнтæ сты хæрзад, зæгъынц активисттæ. ацы аз Дзæуджыхъæуы администраци балхæдта 25 сæрмагонд пецы. Уымæй уæлдай, алы скъолайы дæр фæзынд мигæнæнтæ ‘хсæн ифтонггæрзтæ.
