Битарты Вячеслав фембæлд Вагановайы номыл Уырыссаг балеты Академийы ахуыргæнæг Галина Башловкинæимæ. Уый дыууæ боны дæргъы Дзæуджыхъæуы æвзæрста сывæллæтты, кæцытæ дарддæр ахуыр кæндзысты Академийы. Фембæлды ма архайдта нæ республикæйы культурæйы министр Милдзыхты Руслан дæр.
Галина БашлОвкинæ куыд радзырдта, афтæмæй, мадзал арæзт æрцыд Академийы ректор Николай Цискаридзейы хъæппæрисæй, уыцы хæс та йын бабар кодта Уæрæсейы хицауады сæрдары хæдивæг Ольга Глодец.Дыууæ бонмæ æркаст 120сывæллонмæ 10 æмæ 11 азы кæуыл цæуы, ахæмтæм. Фæлæ уал нырма Академимæ ахуыр кæнынмæ бацæуыны гæнæн фæзынд æрмæст иу чызгæн-Аивæдты лицейы ахуырдзау , 11азыдзыд Лæгкуыты Никольæн.
Галина БашлОвкинæ куыд зæгъы, афтæмæй, ма йæ цæст æрæвæрдта ноджы цалдæр чызгыл. Зæгъын хъæуы уый æмæ, Вагановайы академи нымад у æппæты хуыздæр ахуырадон уагдæттæй иуыл канд Уæрæсейы нæ, фæлæ æппæт дунейы дæр.Уым ахуыр кæнын у стыр амонд.
