Æнæмæнг медицинон фæдзæхстады полисы руаджы ис дæндæгтæ дзæбæхгæнæн дæр

19.06.2024 13:16

томатологмæ бацæуæн цæрæн бынатмæ гæсгæ поликлиникæмæ полис, паспорт æмæ СНИЛС-имæ.

Æнæмæнг медицинон фæдзæхстады полисы руаджы ис дæндæгтæ дзæбæхгæнæн дæр. Стоматологмæ бацæуæн цæрæн бынатмæ гæсгæ поликлиникæмæ полис, паспорт æмæ СНИЛС-имæ. Лæвар ис сæвæрæн пломбæ, дæндаг сæппарын куыд сывæллонæн, афтæ хистæр кары адæмæн дæр, профессионалон æгъдауæй дæндæгтæ ссыгъдæг кæнын. Пайда кæнынц анестезийы нырыккон препараттæй. Зæгъæм, Дзæуджыхъæуы 7-æм поликлиникæйы ацы куыст æнтыстджынæй æххæст кæнынц. Стоматологон хайады æрцыд бындуронæй цалцæггонд афæдз æмæ ‘рдæджы размæ. Ис дзы æппæт нырыккон медицинон кусæнгæрзтæ дæр. Уæвгæ, стоматолоджы æххуыс æнæмæнг медицинон фæдзæхстады полисы руаджы райсæн ис Дзæуджыхъæуы æмæ районты поликлиникæты, стæй хи стоматологон клиникæтæй фæдзæхстады сисемæйы фæлгæты чи архайы, уыдоны. Дохтырмæ хи ныффыссæн ис паддзахадон лæггæдты порталы, кæнæ колл-центрмæ бадзургæйæ. Сæрмагонд æфсæддон операцийы архайджытæ æмæ сæ бинонтæн лæггад кæнынц æнæ радæй.

Предыдущий материал

1-æм июнæй сывæллæтты рæвдауæндæтты райдыдта сæрдыгон дзæбæхгæнæн афон

Следующий материал

Урсдоны цæрæг Гергиты Ибрагим йæ хæдзары сарæзта ирон рагон дзауматы музей