Бæрнон кусджытæ 22 адæймаджы феддæдуар кодтой, нæ республикæйы æнæзакъонæй чи уыдис, ахæм адæмæй. Уый тыххæй дзыллон информацион фæрæзтæн фехъусын кодтой тæрхондоны пъырыстыфты пресс-службæйæ. Куыд рабæрæг, афтæмæй уыдон фехæлдтой миграцион закъоны домæнтæ. Сæ фылдæр сты, нæ республикæмæ кусынмæ чи ссыдис, Узбекистан æмæ Таджикистаны уыцы цæрджытæ. Фæткхалджытæ афоныл регистрацион гæххæттытæ нæ райстой. Нæ сæм уыдис, Уæрæсейы Федерацийы уæвгæйæ сын кусыны бар чи дæтты, ахæм æвдисæндартæ дæр. Сæхи фембæхстой, фæлæ сын сæ галиу митæ тæрхондоны куы базыдтой, уæд сæ æнæ уæлдай сныхасæй нæ бæстæйы арæнты `дде фæкодтой. Тæрхондоны уынаффæтæ `ххæст кæныны хæс æрæнцад пъырыстыфты службæйыл.
Йæ пресс-службæйæ куыд хъусын кæнынц, афтæмæй уынаффæ сæххæст кодтой амынд афонмæ æмæ æххæстбарджын закъоны бындурыл. Фæнысан ма кæндзыстæм уый, æмæ сын хæстæгдæр фондз азы Уæрæсейы Федерацийы арæнтыл æрбахизыны бар нал ис.