Æппæтадæмон аэропорт «Дзæуджыхъæу» 2021 азы июлы суазæг кодта 70 мин æмæ 3 сæдæ бæлццоны. Уыдонæй мин æмæ 5 сæдæ адæймаджы абалц кодтой фæсарæнтæм.
2019 æмæ 2020 азты бæрæггæнæнтимæ абаргæйæ, уый у 35% фылдæр. Æрмæст авд мæймæ аэропорты лæггæдтæй чи спайда кодта, уыдоны иумæйаг нымæц у 390 мин æмæ 8 сæдæ адæймаджы. Уый, 2019-æм азимæ абаргæйæ, у 26% фылдæр. Фæлæ фаронимæ абаргæйæ – къаддæр. Уый къухы бафтыд, Мæскуы, Петербург, Сочи, Баку æмæ Ереванимæ бастдзинадæй чи пайда кæны, уыдоны нымæц кæй фæфылдæр, уый фæрцы. Аэропорты генералон директор Сергей Чаловы ныхæстæм гæсгæ, мартъийæ нырмæ цы бæлццæтты суазæг кодтой, уыдоны бæрц пандемийæйы агъоммæйы бæрæггæнæнтæй дæр ахызт.