Дзæуджыхъæуы 5-æм хатт ацæудзæн Æппæтадæмон Кавказаг фестиваль «Мариинаг-Дзæуджыхъæу». Цæгат Ирыстоны цæрджытæн уый у ахсджиаг цау.
Аивадуарзджытæм æнхъæлмæ кæсы цымыдисаг æрмæг. Фестивалы фæлгæты Мариинаг театры зарæггæнджыты къорд азардзæн адæмон æмæ уырыссаг классикæйы зарджытæ. Фестиваль цæудзæн 2-æй 6-æм октябрмæ. Оперæ æмæ балетæй уæлдай фестивалы уазджытæ фендзысты симфонион концерттæ. Сывæллæттæн арæзт æрцæудзæн сæрмагонд программæ. Уымæй уæлдай — оперæ «Паяцы»-йы премьерæ. Сæвæрдта йæ Гуæцæлты Марат. Фестиваль цæудзæн Мариинаг театры Дзæуджыхъæуы филиалты.
Уæ зæрдыл уын æрлæууын кæндзыстæм, 2017 азы æхсæз бонмæ фестиваль æрбамбырд кодта 3 мин адæймагæй фылдæр. Архайдта дзы зындгонд пианист Денис Мацуев æмæ альтист Юрий Башмет дæр.