Цæгат Ирыстоны æрдзон æвæрæнтæ æмæ экологийы министр Хидирты Батрадзы та республикæйы сæргълæууæджы хæстæ рæстæгмæ æххæстгæнæг Сергей Меняйлойы уынаффæмæ гæсгæ æвæстиатæй ацæуын бахъуыд Уыналмæ. Уым 2019 азы «Чистая страна», зæгъгæ, федералон проекты фæлгæты цыдис хауæццæгтæ æмбырдгæнæны рекультиваци.
Социалон хызæгты куыд фехъусын кодтой, афтæмæй, дам, дзы Æрыдоны донмæ чъизи æмæ зианхæссæг буаргъæдтæ хъарын райдыдта. Бæрнон кусæг дæр уый тыххæй атагъд кодта бынатмæ. Фæлæ куыд рабæрæг, афтæмæй уыцы хъусынгæнинаг рауадис мæнг.