preloader
сейчас в эфире
08:37
ТАКТИКА 12+
Смотрите Далее
09:00
УТРО. НОВОСТИ 12+
09:05
ХÆХХОН ДЗИГЛО 12+
09:40
МУЗЫКÆ 12+
10:00
НОВОСТИ 12+
10:15
ÆЛХУЙНÆ 12+
ТВ ПРОГРАММА
ТАКТИКА 12+
close

Æрыдоны сарæзтой дæсныйады курсытæ пенсион кары адæмæн

1.07.2019 1:08

Академи WorldSkills цы чемпионаттæ фæаразы æрыгон специалистты `хсæн, уыдон æгас бæстæйы дæр ныридæгæн зындгонд сты.

Академи WorldSkills цы чемпионаттæ фæаразы æрыгон специалистты `хсæн, уыдон æгас бæстæйы дæр ныридæгæн зындгонд сты. Ныр та ма райдыдтой пенсимæ хæстæг кары адæмы дæр ахуыр кæнын ног дæсныйæдтыл. Æндадзджытæ, хæдтулгæ цалцæггæнджытæ, веб-дизайнертæ, аразджытæ, хæринаггæнджытæ æмæ ма бирæ æндæр алыхуызон дæсныйæдтæ райсæн ис ног программæмæ гæсгæ. Æдæппæтæй сты 116. Цæгат Ирыстоны дæр ацы фæткæй пайда кæнын райдыдтой. Зæгъæм, Æрыдоны аграрон колледжы ныридæгæн пенсимæ хæстæг кары адæм ахуыр кæнынц чъиритæ фыцджытæ æмæ æндадзджытыл.

 

Бокоты Бертæ Æрыдонмæ Цæгат Кавказы аграрон-технологон колледжмæ фæцыд Алагирæй. Абон дæтты демонстрацион фæлварæн. Хъæуы йæ алы хуызы чъиритæ домæнтæм гæсгæ сфыцын. Куы базыдта Æрыдоны колледжы чъирифыцджыты лæвар курсытæ гом кæнынц, уæд фыццаг дызæрдыг кодта, ацæуа, æви нæ.

 

Бертæйы хуызæн пенсимæ хæстæг кары сылгоймæгтæ ма курсытæм бирæтæ цæуынц. Ныртæккæ дыууæ къорды фæйнæ 8 адæймаджы алкæцыйы дæр, афтæмæй базыдтой чъиритæ фыцыны æппæт лыстæг хабæрттæ. Курсыты ис 144 сахаты. Ацæргæ адæмæн сæ аразы æппæтдунеон домæнтæм гæсгæ æрыгон профессионалты цæдис WorldSkills. Цæдисæн та йæ бабар кодтой Уæрæсейы хицауад федералон проект “Хистæр фæлтæр” национ проект “Демография”-йы фæлгæты. Курсыты аразджыты ныхæстæм гæсгæ, алы архайæг дæр райсдзæн, ног дæсныйадыл кæй сахуыр кодта, ахæм æвдисæндартæ. Се руаджы пенсимæ хæстæг кары адæмæн фадат уыдзæн сæ профессионалон куыст дарддæр дæр кæнынæм – æрмæст ног дæсныйадимæ.

 

Алла Столбовская, Уæрæсейы академи WorldSkills-ы ирон чъиритæ фыцыны дæсныйады менеджер: «Программæмæ бахауынæн хъæуы сæрмагонд сайты срегистраци кæнын, хи бæрæггæнæнтæ дзы ныффыссын, фæлварæн хæслæвæрдтæ дзы сæххæст кæнын æмæ 116 дæсныйадæй иу равзарын. Алы архайæг дæр курсыты кæрон райсы дыууæ гæххæты: ахуырады тыххæй æвдисæндар æмæ «скиллс паспорт». Уыцы паспорт æвдисы, цы ахсджиаг зонындзинæдтæ æмæ арæхстдзинæдтыл сахуыр кодта курсыты архайæг, уый. «Скиллс паспорт» нымад у æгас дунейы 80 бæстæйы».

 

WorldSkills-ы академи пенсимæ хæстæг кары адæмæн фадат дæтты 360 ахуыргæнæндоны æгас бæстæйы дæр ахуыр кæнынæн. Се `хсæн – 7 къабазы дæсныйæдтæ: информацион технологитæ, инженЕри, кондад, арæзтад, лæггæдтæ дæттыны къабаз, сфæлдыстад æмæ дизайн, транспорт æмæ логистикæ, стæй ахуырад. Программæйы архайыны бар ис, 51 азæй 55 азы онг кæуыл цæуы, ахæм сылгоймæгтæ, стæй 56 азæй 60 азы онг кæуыл цæуы, уыцы нæлгоймæгтæн. Уыимæ иу адæймагæн лæвар сахуыр кæнын йæ бон у æрмæстдæр иу дæсныйадыл. Дæсныйадмæ гæсгæ курсытæ вæййынц 72, 144 кæнæ 256 сахаты. Æрыдоны колледж ацы программæ аразын райдыдта ацы азы 10-æм июнæй. WorldSkills-ы ахуыргæнæн фæзтæм цыдæриддæр домæнтæ ис, уыдонæн се `ппæтæн дæр дзуапп дæтты.

 

 

Анастасия Жигар, Уæрæсейы академи WorldSkills-ы пенсимæ хæстæг кары адæмы ахуыр кæныны сæйраг специалист: «Дæсныйæдтыл ахуыр кæнынц WorldSkills-ы эксперттæ. Цы бынаты кусынц, уый дæр сæрмагондæй равзарынц. Ахуыры фæз снысан кæнынц квалификацион æвзæрстытæм гæсгæ. Фæархайынц дзы бирæ ахуыргæнæндæттæ, фæлæ сын се `хсæнæй равзарынц, ацы дæсныйæдтыл хуыздæр чи сахуыр кæндзæн, ахæмты.  Æрыдоны ацы фæлварæн арæзт æрцыд тынг хорз. Аграрон колледжы ахуыргæнæн фæз у раззагдæртæй иу».

 

Нырма уал дзы пенсимæ хæстæг кары адæмæн сæ бон у дыууæ дæсныйадыл сахуыр кæнын – чъиритæ фыцæг кæнæ æндадзæгыл. Æндадзджыты ахуыргæнæн къордмæ ма цæуынц суанг сылгоймæгтæ дæр.

 

Цæгат Кавказы аграрон-технологон колледжы директор Моурауты Аланы ныхæстæм гæсгæ, ног программæйæн æмбал нæй. Йæ пайдайæн, нæ бæстæйы экономикæ, стæй пенсимæ хæстæг кары адæмæн цы стыр фадæттæ гом кæны, уымæн аргъ нæй.

 

 

Ныртæккæ уал æгас бæстæйы ацы программæйы бацархайдтой æмæ «скиллс паспорт» райстой 500 адæймаджы. Ахуырадон программæ кусдзæн 2024-æм азмæ. Уæрæсейы хицауады уынаффæмæ гæсгæ уыцы рæстæгмæ пенсимæ хæстæг кары адæмæй алы субъекттæй уыцы курсытæ фæуыны фадат уыдзæн 25 мин адæймагæн.

 

Биджелты Бертæ

Читайте также
Все новости
Темы
Рекомендуем
«Ученик года», перевод сурдо языка, «Час земли» и лечение за рубежом
28.03.2024
О погибшем в зоне СВО бойце Аслане Дзантиеве, о Герое Советского Союза Алексее Остаеве, об учениях сотрудников Росгвардии и эксплуатации боевого оружия
28.03.2024
О капитальном ремонте, о нововведениях в сфере ЖКХ и о системе благоустройства общественных территорий
28.03.2024
Интервью с чемпионом по боксу Аланом Хугаевым
27.03.2024
Выбери жизнь
27.03.2024
Руслан Джусоев
27.03.2024
Ставд-Дурта
26.03.2024
Сабырдзинад, туризмы райрæзт æмæ «хурдзаст» сывæллæттимæ куыст
26.03.2024
Цхуырбаты Зарӕ
26.03.2024
Æмбалты Зауырбег
25.03.2024
Къуымæллæггаты Розæ
25.03.2024
Теракт в «Крокус Сити Холле»
25.03.2024
Давид Найфонов
25.03.2024
Канатовы
24.03.2024
В итоге: 24 марта
24.03.2024
Все рекомендуемое