Тлаттаты Оксанæ Æрыдоны фыццæгæм скъолайы кусы райдиан кълæсты æмæ англисаг æвзаджы ахуыргæнæгæй. Ныр 20 азы сывæллæттæн не ‘вгъау кæны йæ зæрдæйы хъарм æмæ зонындзинæдтæ. Æрæджы та йæ урокты пайда кæнын райдыдта нырыккон технологитæй.
Тлаттаты Оксанæ ныр 20 азæй фылдæр кусы Æрыдоны фыццæгæм скъолайы райдиан кълæсты æмæ англисаг æвзаджы ахуыргæнæгæй. Уæлдай æргом здахы иртасæн куыстмæ. Йæхæдæг куыд зæгъы, афтæмæй, стыр æнтыстдзинæдтæм схизæн ис, æппынæдзух хиуыл кусгæйæ, квалификацийы æмвæзад уæлдæр кæнгæйæ. Ахуыргæнгæйæ цы нырыккон технологитæй пайда кæны, уыдон ын стыр æххуыс сты сывæллæтты сцымыдис кæнынæн, æмæ сын зонындзинæдтæ раттынæн. Уæдæ мобилон уæлæфтуан Plickers-имæ та базонгæ ис Цæцæны республикæйæ тьюторты фæрцы.
Нырыккон технологиты дуджы скъоладзаутæ æнæ гаджеттæй фидаугæ дæр нæ кæнынц. Уымæ гæсгæ Тлаттаты Оксанæйæн йæ къухы бафтыд ацы нырыккон фæзындæй хуыздӕрӕй спайда кæнын урокты, ног гæнæнты руаджы сывæллæтты зонындзинæдтæ ис фæфылдæр кæнæн.
Оксанæйӕн ахуыргæнæджы дæсныйад райсын уыд йе стырдæр бæллиц. Йæхæдæг куыд зæгъы, афтæмæй, æндæр фæндаг равзарыныл хъуыды дæр нæ кодта.
Фестиваль «Леонардо» ацы аз ацæудзæн дæсæм хатт. Мадзалы архайджытæ суæвын у сабитæ, скъоладзаутæ, астæуккаг профессионалон ахуыргæнæндæтты ахуырдзауты бон. Сæйраг домæн — наукæйы алы къабæзты хи проектыл æмæ иртасæн æрмæгыл бакусын.
Тлаттаты Оксанæ у ацы наукон-зонадон конкурсы регионалон минæвар. Йæхæдæг куыд фæнысан кодта, афтæмæй куыстытæ азæй-азмæ кæнынц цымыдисагдæр.
Хуыздæр куыстытæ ныммыхуыр кæндзысты журнал «Вестник образования России»-йы.
Нырыккон технологитæй пайдагæнгæйæ ахуырады хæрзхъæддзинад дæр кæны хуыздæр, стыр æххуыс у рæзгæ фæлтæрæн дæр, уый фӕрцы рæстæгимæ æмдзу кæнынц.
