Хъæууон-хæдзарадон гранты руаджы зæхкусджытæ сарæзтой хъæрмуæттæ. Афæдз дæргъы фæкодтой удуæлдай куыст. Ацы аз æмбырд кæнынц фыццаг тыллæг. Ныртæккæ сæ хъæрмуæтты зайы æрмæст пъæмидортæ. Фидæны хъавынц халсарты нымæц фæфылдæр кæнын.
Бязырты Хъазыбег йæ хъæрмуаты цал халы зайы, уый дæр зоны. Æрывылбон сæм зилы йæхæдæг. Уæдæ уайтагъд раиртасдзæн æппæты хæрзаддæр пъæмидортæ дæр. Хъæрмуат саразыны хъуыды йæм фæзынд афæдз размæ. Йæ Сæйрагдæр ын уыд, цæмæй халсартæ экологон æгъдауæй уой сыгъдæг. Алы бон дæр æрæмбырд кæны хъæздыг тыллæг.
Сунжæйы хъæуы хъæрмуат нымад у Горæтгæрон районы æппæты стырдæрыл. Хъазыбег æмæ йе ‘рвад Рубайты Эльбрус рамбылдтой хъæууон хæдзарадон грант. Сарæзтой дыууæ хъæрмуаты. Ныссагътой дзы пъæмидортæ. Ууыл æрлæуынмæ нæ хъавынц. Ныртæккæ агурынц зæххы хай, фæнд дзы кæнынц джитритæ æмæ лыстæг хуымтæ ныссадзын. Дзуапдæттæг ведомствойы куыд зæгъынц, афтæмæй, зæхкусджытæн баххуыс кæнынмæ алкæддæр цæттæ сты.
Рубайты Хъазыбег алы æлхæнæгыл дæр зæрдиагæй бацин кæны. Йæ хъуыдымæ гæсгæ экологон æгъдауæй хæрзхъæд æмæ сыгъдæг халсартæй чи спайда кæна, уыдон сæ æппынæдзух æмал кæндзысты. Хъазыбегмæ ис бæллиц-фæнды йæ фидæны дукани бакæнын, æмæ уым тæрхæджытыл равæрын йæ фæллæйттæ, æнæмæнг хæрзхъæд продукци-халсартæ, дзидза. Йæ размæ сæвæрдта нысан, æмæ йæм тырны.