Зынгонд францусаг мифолог æмæ лингвисты хæрæфырт ссыд Цæгат Ирыстонмæ. Жорж Дюмизелы бæлицц уыд Цæгат Ирыстонмæ ссæуын. Уый тыххæй фыста йæ фыстæджыты дæр. Фæндыд æй ирон адæмы традицитæ æмæ культурæ бæстондæр базонын. Жорж Дюмизелы бæллиц сæххæст кæнын къухы бафтыд йæ чызджы фырт Пьер Луи Кюриенæн. Уый Цæгат Ирыстоны ис æртыккаг бон. Кадджын уазæджы дисы бафтыдта, ирон зæххыл æй куыд сбуц кодтой, уый. Знон æй суазæг кодтой Цæгат Ирыстоны наукон иртасæн институты. Уым фембæлд ахуыргæндтимæ. Уымæй уæлдай ма бабæрæг кодта 45-æм гимназ дæр. Уый хæссы Жорж Дюмизелы ном. Пьер Луи Кюриенæн у тынг æхсызгон, йæ мады фыдæн ын Цæгат Ирыстоны ахæм стыргъ аргъ кæй кæнынц, уый. Абон та уазæг национ чиныгдоны фембæлд йæ мады фыды сфæлдыстад ын чи уарзы, уыдонимæ. Уый сын радзырдта Жорж Дюмезилы царды тыххæй. Æмбырды архайджытæн нæ басусæг кодта, Кавказмæ уарзондзинад куыд сæвзæрд йæ зæрдæйы, уый тыххæй. Бæлвырддæр та ирон мифологи æмæ Нарты кадджытæм. Уый йæ ратæлмац кодта францусаг æвзагмæ. Пьер Луи Кюриен йæ мады фыды фæндагыл нæ ацыд. Уый йæхи фæлвары математикæйы наукæйы. Майрæмбоны лекци бакæсдзæн Цæгат Кавказы Хæххон металургон институты студенттæн. Жорж Дюмезиль Францийы у Зынгонд ахуыргонд. Уæрæсейы ын стыр аргъ кæнынц Кавказ зонынады тыххæй. Уый раиртæста религи, мифологи æмæ эпос. Нарты кадджытæ хуыдта ирон адæмы хæзна.
Пьер Луи Кюриен, лингвист, ахургонд Жорж Дюмизелы харæфырт: «Мæ мады фыд мын Ирыстоны тыххæй бирæ дзырдта. Ардæм ссæуын ме ’стырдæр бæлицц уыд. Уымæй уæлдай ма уыдтæн Гуырдзыстоны дæр. Уым архайдтон конференцийы. Уым базонгæ дæн ирон сылгоймагимæ. Уый руаджы мæ къухы бафтыд Иры зæххыл сæмбæлын дæр. Ам ис алæмæты рæсугъд æрдз. Тынг зæрдæмæдзæугæ адæм. Мæ бæллиц сæххæст».