899 субъекты чысыл æмæ рæстæмбис амалхъомады архайынц Алагиры районы. Кусынц дзы 2 300 адæймаджы. Районы уыд хицауады æмбырд. Сæрдариуæг дзы кодта Тускъаты Таймураз. Æрныхас кодтой Алагиры районы социалон экономикон рæзтыл.
Алагиры районы бюджеты хи æфтиæгты нымæц фылдæр кæны. Хатдзæг скодтой 5 азы бæрæггæнæнтæм гæсгæ. Фаронимæ абаргæйæ æфтиæгтæ фæфылдæр сты 67%. Тускъаты Таймуразы ныхæстæм гæсгæ уыцы бæрæггæнæн хъæуы бахъхъæнын.
Дзырдтой районы социалон-экономикон къабæзты рæзтыл. Муниципалитеты ис чысыл æмæ рæстæмбис бизнесы 899 субъекты. Æдæппæтæй 2 300 амалхъом адæймаджы. Уæлдай æргом здæхт цæуы раззагдæр экономикон зонæты рæзтæн. Районы сæ куыст райдыдтой æртæ резиденты. Бынæттон цæрджытæн сæ бон у раттын 150 ног куысты бынаты. Районы ис 5 инвестицион проекты, се хсæн Мамысон æмæ Цъæй. Районы разамындмæ уыд курдиат Цъæйы проектимæ баххуыс кæнын, хъæуы йæ рæзты программæйыл бакусын. Тускъаты Таймураз ма бабар кодта районы ныронг цы объекттæ хъуамæ конд уыдаиккой, уыдон цыбыр рæстæгмæ фæуын.
Хицауады сæрдары хæстæ рæстæгмæ æххæстгæнæг бахæс кодта алы муниципалитетæн сæ æфтиæгты уавæр сбæрæг кæнын. Сæ бæрæггæнæнты тыххæй æрдзурдзысты хицауады радон æмбырды.
Уазиты Зæлинæ
