Цæгат Кавказы хæххон-металлургон институты ныр 22-æм хатт цæуы æрыгон иртасджыты конкурс “Ступень в науку”. Комкоммæ турмæ ахызтысты 250 адæймаджы. Уыдон сты Дзæуджыхъæуы æмæ республикæйы районты скъолаты ахуырдзаутæ. Уымæй уæлдай уæлдæр æмæ астæуккаг ахуыргæнæндæтты студенттæ. Ацы аз сæ тыхтæ æвзардзысты 23 здæхтмæ гæсгæ. Се ‘хсæн физикæ, математикæ, биологи, роботехникæ, инновацион технологитæ, аивадон здæхт æмæ æндæртæ.
Конкурс цæуы æртæ боны дæргъы. “Ступень в науку”-йы уæлахиздзауты схорзæхджын кæндзысты 7-æм февралы. Æркасты аразæг – сывæллæтты сфæлдыстады республикон галуан ахуырад æмæ наукæйы министрады æххуысæй.
