Славяйнаг фыссынад æмæ культурæйы боны кадæн арæзт æрцыд зарæггæнджыты фестиваль дæр. Уæвгæ, цæуы ныр 17 азы. Сфæлдыстадон мадзал æрæмбырд кодта фæсивæды республикæйы алы районтæй. 700 лæппу æмæ чызджы равдыстой сæ рæсугъд хъæлæстæ æмæ курдиат.
Ацы сывæллæттæ архайынц бæрзонд нотæтæ сыгъдæг азарыныл. 700 адæймагæн иумӕйагӕй уый æнцон хъуыддаг нæу. Репетицитæ кодтой 2 мæйы дæргъы. Уыцы иу рæстæг архайдтой цалдæр зарæгыл. Ам ис республикæйы алы районты минæвæрттæ. Куыд зæгъынц, афтæмæй зарæггæнджыты фестивалы архайын у ахсджиаг хъуыддаг. Уыимæ ма фæсивæд кæрæдзиимæ дæр фӕлымæн сты.
Республикæйы зарæггæнджыты фестиваль арæзт цæуы ныр 17 азы. Алы хатт дæр — Славяйнаг фыссынад æмæ культурæйы бон. Ацы аз дæр йæ архайджыты нымæц фылдæрæй фылдæр кæны.
Ацы азы фестиваль снывонд кодтой республикæйы цыппар зындгонд композиторæн. Уымæн æмæ сӕ курдиат ӕмӕ сфæлдыстад сты дæнцæгау фæсивæдæн.
Фестивалы архайджытæ равдыстой сæ арæхстдзинад æмæ курдиат. Уæдæ федтой, иннæтæ куыд зарынц, уый дӕр. Байхъуыстой дæсны педагогты хъуыдытæм дæр. Иу афæдз бакусдзысты сæхиуыл æмæ та ногæй фембæлдзысты фидæны фестивалы фæлгæты.