Дзæуджыхъæуы байгом æвзæрстытæм цæстдарды æхсæнадон центр. Куыд кусдзæн, уый тыххæй радзырдтой æвзæрстытæм цæстарды æсхæнадон штабы æмбырды. Видеокъул кусдзæн 17, 18 æмæ 19 сентябры æхсæвæй-бонæй. Фенæн дзы ис республикæйы æппæт æвзарæн хайæдтæ дæр. Æдæппæтæй сты 335 æмæ 10 территориалон къамисы.
Æппæт объекттæ дæр фæбæрæг кодтой сæрмагонд нысæнттæй, цæмæй цæстдарджыты бон уа æнцондæрæй къамисы куыстмæ кæсын. Æхсæнадон цæстдарды центры æххæстгонд сты эпидемилогон æдасдзинадæн æппæт хъæугæ мадзæлттæ дæр. Ахæм видеоцæстрарды системæйæ æвзæрстыты рæстæг пайда кæнынц фыццаг хатт.
