Абон райсомæй Дзæуджыхъæуы байгом центрон æвзарæн къамисы информацион центр. Дзыллон информацион фæрæзты минæвæрттæн «æгас цу» загъта Цæгат Ирыстоны центрон æвзарæн къамисы сæрдар Моргуаты Жаннæ.
Куыд фехъусын кодта, афтæмæй республикæйы регистрацигонд æрцыд 518 468 æвзарæджы. Паддзахадон Думæмæ депуттаты æмæ бынæттон хиуынаффæйады оргæнтæм æвзæрстытæ ахæсдзысты æртæ боны: 17, 18 æмæ 19 сентябры.
Республикæйы фондз районы — Алагиры, Æрыдоны, Рахизфарсы, Дыгуры æмæ Горæтгæрон районты. Уыимæ ма Мызуры, Уыналы æмæ Гæлиаты — уым ма нысангонд цæудзысты муниципалон æмбырды минæвæрттæ. Уыналы, Гæлиаты æмæ Мустыздæхы комкоммæ хуызы æвзардзысты сæргълæуджыты.
Цыколайы уæлæмхасæн æвзæрстыты рæстæг схъæлæс кæндзысты муниципалон æмбырды депутаттыл. Паддзахадон Думæмæ депутаттæй республикæйы сæ кандидатурæтæ балæвæрдтой 7 адæймаджы. Информацион центры ма презентаци скодтой видеоцæстдарды системæйæн дæр.
