Хæххон-металлургон техникумы студент рамбылдта грант æфсæддон-патриотон хъæзтытӕ саразынæн. Вадим Богословский райста 270 мин сомы. Уыдонæй балхæндзæн ерыстæн æппæт хъæугæ дзауматæ. Æмæ йæ проект æнтыстджынæй йæ къухы бафтдзæн. Турнир ацæудзæн республикæйы æппæт районты.
Ам тых æмæ зондæй хъæуы уыцы иу рæстæг спайда кæнын. Нырыккон ӕхсаргардӕй хӕст рæзгæ фæлтæры ахуыр кæны цæрдæг æмæ уыцы иу рæстæг цыргъзонд уæвын. Уыимæ ацы спорты хуыз у æдас. Вадим Богословский клуб «Аскалон»-ы архайы ныр дыууæ азы дæргъы. У республикæйы иугонд командæйы капитан. Иу къорды ис 5-æй 7-ы онг сабийы. Вадим алы сывæллоны зæрдæмæ дæр фæндаг ссары.
Вадим у Дзæуджыхъæуы политехникон техникумы студент. Уымæй уæлдай, кæны æхсæнадон архайд. Уæдæ ис æфсæддон-патриотон змæлд «Юнармия»-йы хыгъды дæр. Æрæджы рамбылдта грант æрыгон армионты æсæн турнир саразынæн.
Районты чи фæуæлахиз, уыдон бацархайдзысты республикон турниры. Ацæудзæн 9-æм октябры. Проектыл Вадим куыста 3 мæйы. Йæ æнтыстдзинæдтæй йын йæ ахуыргæнджытæ дæр сæрыстыр сты.
Гранты бæрц у 270 мин сомы. Уыцы фæрæзтæй самал кæндзæн турнирæн æппæт хъæугæ дзауматæ. Фидæны ерыстæ фæнд кæны æрвылазон скæнын.
