Дзæуджыхъæуы ссардтой номдзыд ахуыргонд Абайты Васойы ном

Дзæуджыхъæуы æрæмысыдысты Абайты Васойы. Мадзал снысан кодтой номдзыд ахуыргонды райгуырды 125 азы бонæн. Филологтæ, лингвисттæ, культурæйы архайджытæ æмæ профессоры хиуæттæ радзырдтой дунейы иранистикæмæ цы æвæрæн бахаста, уый тыххæй, фæнысан ын кодтой йæ фæллæйттæ ирон æвзаг бахъахъхъæнынæн æмæ ахуыр кæнынæн. Йæ номыл сæвæрдтой дидинджытæ. Уæ зæрдыл уын æрлæууын кæндзыстæм, Абайты Васойæн цыртдзæвæн сæвæрын фæнд кæнынц Коцойты Арсены номыл уынджы. Хъæппæрис рахастой Цæгат Ирыстоны гуманитарон æмæ социалон иртæстыты институты кусджытæ. Сергей Меняйло цæрджытимæ “комкоммæ бастдзинады” рæстæг фæнысан кодта, æппæт хæрдзтæ республикæ райсдзæн йæхимæ.