«Россия», зæгъгæ, æппæтадæмон равдыст-форуммæ цæттæгæнæн мадзæлттыл ныхас цыд бæстæйы президенты æххуысгæнæг Максим Орешкины разамындæй.
Видеобастдзинады руаджы цæттæгæнæн комитеты æмбырды архайдта республикæйы хицауады сæрдар Дзанайты Барис. Мадзал арæзт цæуы Владимир Путины хъæппæрисӕй. Йæ сæйраг нысан у — бæстæйы алы къабæзты æнтыстдзинæдтæ равдисын. Се ‘хсæн экономикæ, промышленность, энергетикæ, агропромышленнон комплекс, арæзтад, ахуырад æмæ культурæ.
Равдысты архайдзæн Цæгат Ирыстон дæр. Нæ республикæ фæнд кæны экономикон æмæ историон-культурон гæнæнтæ рæгъмæ рахæссын.