Республикæйы социалон-экономикон райрæзты фарстатыл ныхас кодтой хицауады уæнгтæ. Æмбырд ацыд Дзанайты Барисы разамындæй. Премьер куыд фæнысан кодта, афтæмæй 2024-æм азы хицауады размæ стыр хæстæ æвæрд кæй ис. Фыццаджыдæр, цæрджыты царды уавæртæ хуыздæр кæнын. Уый хыгъд та паддзахадон программæтæ æмæ национ проекттæ æххæст кæнын. Премьер фæнысан кодта, фарон республикæ хорз бæрæггæнæнтæ кæй равдыста. Уый къухы бафтыд иумæйаг куысты руаджы. Ахæм архайд дарддæр дæр æххæст кæнын хъæуы ног азы, загъта Дзанайты Барис.
Уыимæ ма хъæуы дзуапдæттæг федералон министрадтимæ дæр æмгуыстады фарстатæ æххæст кæнын, уыимæ алыхуызон райрæзты институттимæ дæр. Ныридæгæн сты 20 æмæ се ‘ххуыс уыдзæн хъæугæ, загъта премьер. Хицауады сæрдары хæдивæг Æгъуызарты Муратæн та æмбырды бабар кодтой республикæйы туристон къабазы райрæзтыл бакусын. Цæст дарын профилон инфраструктурæйы объекттæ куыд арæзт цæуынц, стæй проекттæ куыд æххæстгонд цæуынц, уымæ.
