Дзанайты Барис сарӕзта ӕмбырд ӕхсӕнадон транспорты системӕйы райрӕзты фæдыл

Дзанайты Барис сарӕзта ӕмбырд ӕхсӕнадон транспорты системӕйы райрӕзты фæдыл. Дзӕуджыхъӕуы 1-ӕм автовокзал у ӕппӕты егъаудӕр. Уый муниципалиттеты ‘хсæн лæггад кæны 29 маршрутæн, 26-æн та регионты ‘хсæн. Суткæмæ ауадзы 500 бæлццоны æмæ 100 рейсы бæрц. Вокзалы бæстыхай хъæуы бындуронæй сцалцæг кæнын. Уымæй уæлдай ма бахастой хъæппæрис, «Беслæн»-ы автостанцæ ногæй скусыны фæдыл, архайд æрлæууыд йӕ хицауы йын банкротыл куы банымадтой, уый фæстæ. Уымӕй уӕлдай ма ӕркастысты Алагиры ӕмӕ Мӕздӕджы автостанцӕты куысты фарстатӕм. Абоны бон республикӕйы архайы транспорты 900 иуӕджы бӕрц 2030-æм азмӕ автопарк сног кӕнын хъӕуы 85% онг. Ацы аз регион уыцы нысантӕн райсдзӕн 82 милуан сомы федералон субсидитӕ, иннӕ аз та – 97 милуаны. 2026-æм азы ма хъавынц самал кӕнын 46 ног автобусы. Ӕмбырды ма ныхас цыд Дзӕуджыхъӕуы бæлццæттæн электрон транспортӕй лæггæдты фæдыл. Республикӕйы сӕйраг горӕты кусы трамвайы 8 маршруты. 2023-æм азы парк ӕххæстæй сног кодтой – самал кодтой 28 ног вагоны. Трамвайты парчы фылдӕр хъомысæн хъӕуы трансформаторон дӕлстанцӕтӕ сног кӕнын, уыимæ инфраструктурӕ модернизаци кӕныны куыстытӕ фӕуын, уӕлдайдӕр та трамвайты фӕндӕгтӕ.