Дзанайты Барисы разамындæй уыд аппаратон æмбырд

Цæгат Ирыстоны бындурон цалцæджы фæстæ байгом кодтой 15 скъолайы. Ноджы 15 та куыстытæ фæуыдзысты афæдзы кæронмæ. Уый тыххæй аппаратон æмбырды фехъусын кодта дзуапдæттæг министр Алыбегты Эллæ. Афтæ, программæйы фæлгæты сног кодтой 102 скъолайы. Исæн кампани дарддæр цæуы. Астæуккаг профессионалон ахуыргæнæндæттæм фæнд кæнынц 4 минмæ ‘ввахс студенты райсын. Ныхас ма цыд Арвыкомы фæндаджы уавæрыл дæр. Республикæйы æрæмбырд 895 уæзласæн хæдтулгæйы, уыдонæй 530 сты сæрмагонд æрлæууынты. Ивгъуыд къуыри уадзæн пункты сæрты ахызтысты 27 мин хæдтулгæйы æмæ 80 мин адæймагæй фылдæр. Фæндаг кусы фæткмæ гæсгæ. Хæххон районты тæссаг у æрдзон зынгсирвæзтытæй. Æнæнхъæлæджы уавæрты министрады куыд фехъусын кодтой, афтæмæй фылдæр хатт ссудзы хусгæрдæг. Уæ зæрдыл уын æрлæууын кæндзыстæм, уæлдæр цæттæдзинады фæтк снысан кодтой 46 цæрæн пункты. Ныхас ма цыд зымæгмæ цæттæгæнæн мадзæлттыл, национ æмæ паддзахадон проекттæ æххæсткæнынадыл.