Нацпроект «Æнæниздзинад хъахъхъæнынад»-ы фæлгæты Джызæлы амбулаторийы фæзынд тагъд æххуысы ног машинæ. Йе `руаджы дохтыртæ аххæсынц фылдæр пациенттыл. Лæггад кæнынц æрмæст Джызæлы нæ фæлæ æндæр хъæуты цæрджытæн дæр.
Медицинон æххуыс бахъуыд, зæгъгæ, дохтыртæм куы фӕдзурынц, уæд æвæстиатæй атагъд кæнынц пациентмæ. Джызæлы амбулаторийы фæзынд тагъд æххуысы ног машинæ. Ацы аз апрелæй фæстæмæ 3 мин хаттæй фылдæр æххуысмæ атагъд кодта. Æвæстиаты æххуысæй уæлдай ма, пациентты дӕр æмæ сӕ иртæстыты гæрзтæ дӕр хæццæ кæны районы дзæбæхгæнæндæттæм.
Джызæлæй дарддӕр ма, тагъд æххуысы дохтыртӕ пациенттæм атагъд кæнынц Октябрскæйы, Уæллаг æмæ Дæллаг Санибайы, Хъобаны æмæ Дæргъæвсы. Ӕвæстиаты æххуысæй уӕлдай ма æркæсынц, хæдзары хи чи дзæбæх кæны, уыдонмæ дæр. Зын уавæрты æппæт лæггæдтæ бакӕнын æнцон хъуыддаг нæ уыд.
Ног транспорт дзæбæхгæнæндон райста нацпроекты фæлгæты. Уый хыгъды ма амбулатори бындуронæй цалцæг кæнынц. Æппӕт куыстытæ фӕуынвӕнд кæнынц октябры кæронмæ.