Транскамы фæндаг байгом кодтой, кусы фæткмæ гæсгæ. Уый тыххæй хъусын кæнынц Æнæнхъæлæджы уавæрты министрады кусджытæ. Æхгæд уыди æвзæр боныхъæды аххосæй. Æрцæуынæй цы зæйтæн уыд тæссаг, уыдон специалисттæ фехстой, æдасдзинады домæнтæ æххæстгæнгæйæ Æнæнхъæлæджы уавæрты министрады цæгатирыстойнаг транскавказаг хайады специалисттимæ.
Уæвгæ, æппæт службæты æмгуыстады руаджы Транскамы фæндагыл ныр цалдæр азы не ‘рцæуы уæззау, адӕмӕн зиан чи ‘рхӕсса, ахӕм фыдбылызтæ. Специалисттæ афойнадыл фæндаг сæхгæнынц, зæйтæн ‘рцӕуынӕй тæссаг куы вæййы, уæд. Ручъы зæйты ныхмæ кусæг хайады уæнгтæ æппынæдзух бæрæг кæнынц уавæр. Ирвæзынгæнджытæ та бахъуаджы сахат цæттæ сты сæ куыст кæнынмæ.
