Фарныхъæуы амбулаторийы кусы мобилон флюорограф. Ныр сыхаг хъæуты цæрджыты дæр Фарныхъæумæ цæуын нал хъæуы. Къуыри сæм иу дыууæ хатты ацæудзысты специалисттæ. Ахæм гæнæны фæрцы диспансеризацийы хæрзхъæддзинад дæр хуыздæр кæны. Бæлвырддæр нæдарддæры æрмæджы.
Фарныхъæуы амбулаторийы кусы бынативгæ флюорограф. Ахӕм хæдтулгæ сæм ацы аз июлы фæзынд. Йæ фæрцы сӕ куыст фæрогдæр. Ныр сыхаг хъæуты цæрджыты Фарныхъæумæ цæуын нал хъæуы. Специалисттæ сæм сæхæдæг æцæуынц.
Мобилон бригадты — терапевт, хирург, лаборант, гинеколог ӕмӕ окулист. Архайынц цæрджыты диспансеризацийыл. Медицинон æркасты рæстæг пациентмæ низ куы сбæрæг вæййы, уӕд ын дохтыртæ рафыссынц хъæугæ хостæ. Уавæр бынтон зæрдæхсаинаг куы вæййы, уæд та – æнæмæнг госпитализаци.
Бынативгæ флюорограф у æнæниздзинадхъахъхъæнынады модернизацийы проектӕн йӕ иу хай. Федералон программæ æххæст кæнын райдыдтой ацы аз. Йæ сæйраг нысан – рынчындæтты æмæ поликлиникæты техникон цæттæдзинад фæхуыздæр кæнын, уыимæ аиуварс кæнын, медицинон кусджытæ кæй нæ фаг кæны, уыцы фарста дæр