Фыййагдоны культурæйы хæдзары цалцæггæнæн куыстытæ кæронмæ фæвæййынц. Бæстыхайæн сног кодтой йæ сæр. Раивдтой рудзгуытæ æмæ дуæрттæ. Мидæггаг куыстытæ дæр фесты. Ныртæккæ нывыл кæнынц бæстыхайы æддаг бакаст. Культурæйы хæдзарыл 40 азæй фылдæр цæуы. Уæдæй нырмæ йæм бындуронæй зылд никуы уыд.
Культурæйы ног цалцæггонд артдзæсты æппынæдзух цæуынц аивадон изæртæ. Архайынц дзы алыхуызон сфæлдыстадон къордтæ. Националон кæфтытæ, хореографи, театралон къордтæ. Уымæй уæлдай, залы къуыри æртæ хатты цæрджытæн æвдисынц кинонывтæ. Ныртæккæ кæронмæ æрхæццæ кæнынц кæрты аивгæнæн куыстытæ. Æххæст сæ кæнынц национ проект «Культура»-йы фæлгæты.